Ie-extend ang Certificate of Eligibility

Dahil sa epekto ng COVID-19, posible na ang mga nakatanggap ng Certificate of Eligibility (COE) ay maaaring hindi makarating sa Japan sa loob ng valid period . Kaya napagpasyahan na i-extend ang COE ng 3 buwan validity to 6 months validity. Isinasagawa ito mula Martes, Marso 10, 2020.

Ang COE na valid sa loob ng 6 na buwan ay maaaring magamit para sa pag-apply ng visa at landing application sa Japan.

Maari kang mag-extend kapag ikaw ay nakatugon sa sumusunod na dalawang punto:

Pupunta ka sana sa Japan ngunit dahil sa COVID-19, hindi natuloy ang pagpunta sa loob ng validity period ng COE mo.
Mapapatunayan na posible ka pang tanggapin ng iyong pagtra-trabahuhan (o papasukan na school, atbp) sa Japan

Pwede ka ring mag-extend kapang ang COE ay na-expired bago mag-apply o habang nag-aapply ka ng visa.

Babala:

Mangyaring mag-apply ng visa sa embassy o konsulado.
Kapag ang COE mo ay humigit na sa 3 buwan pagkatapos mong matanggap at mag-aapply ka ng visa, mangyaring mag-submit ng dokumento na nagsasabi na posible ka pang tanggapin ng iyong pagtra-trabahuhan sa Japan. Ang dokumentong ito ay maaaring nasa anumang format.